taqaza ho chuki hai aur tamanna ho raha hai

taqāzā ho chukī hai aur tamannā ho rahā hai

ki sīdhā chāhtā huuñ aur ulTā ho rahā hai

ye tasvīreñ sadāoñ meñ Dhalī jaatī haiñ kyuuñ kar

ki āñkheñ band haiñ lekin tamāshā ho rahā hai

kahīñ Dhaltī hai shaam aur phūTtī hai raushnī sī

kahīñ pau phaT rahī hai aur añdherā ho rahā hai

pas-e-mauj-e-havā bārish kā bistar sā bichhāne

sar-e-bām-e-navā bādal kā TukḌā ho rahā hai

jise darvāza kahte the vahī dīvār niklī

jise ham dil samajhte the vo duniyā ho rahā hai

qadam rakkhe haiñ is pāyāb meñ ham ne to jab se

ye dariyā aur gahrā aur gahrā ho rahā hai

ḳharābī ho rahī hai to faqat mujh meñ hī saarī

mire chāroñ taraf to ḳhuub achchhā ho rahā hai

kahāñ tak ho sakā kār-e-mohabbat kyā batā.eñ

tumhāre sāmne hai kaam jitnā ho rahā hai

guzarte jā rahe the ham 'zafar' lamha-ba-lamha

samajhte the ki ab apnā guzāra ho rahā hai

taqaza ho chuki hai aur tamanna ho raha hai

ki sidha chahta hun aur ulTa ho raha hai

ye taswiren sadaon mein Dhali jati hain kyun kar

ki aankhen band hain lekin tamasha ho raha hai

kahin Dhalti hai sham aur phuTti hai raushni si

kahin pau phaT rahi hai aur andhera ho raha hai

pas-e-mauj-e-hawa barish ka bistar sa bichhane

sar-e-baam-e-nawa baadal ka TukDa ho raha hai

jise darwaza kahte the wahi diwar nikli

jise hum dil samajhte the wo duniya ho raha hai

qadam rakkhe hain is payab mein hum ne to jab se

ye dariya aur gahra aur gahra ho raha hai

KHarabi ho rahi hai to faqat mujh mein hi sari

mere chaaron taraf to KHub achchha ho raha hai

kahan tak ho saka kar-e-mohabbat kya bataen

tumhaare samne hai kaam jitna ho raha hai

guzarte ja rahe the hum 'zafar' lamha-ba-lamha

samajhte the ki ab apna guzara ho raha hai