tarana-e-gham-e-pinhan hai har KHushi apni

tarāna-e-ġham-e-pinhāñ hai har ḳhushī apnī

ki ek dard-e-musalsal hai zindagī apnī

bahal na jaa.e kahīñ ye dil-e-ḳhizāñ-mānūs

bahār aa ke dikhātī hai dilkashī apnī

kisī ke chehra-e-zebā se us ko kyā nisbat

yūñhī bikherā kare chāñd chāñdnī apnī

shu.ūr-e-chāk-e-garebāñ kidhar hai dāman-e-yār

junūñ kī had se milī jā ke āshiqī apnī

batā ki ye bhī koī shān-e-be-niyāzī hai

sunī na haa.e koī tū ne guftanī apnī

tarana-e-gham-e-pinhan hai har KHushi apni

ki ek dard-e-musalsal hai zindagi apni

bahal na jae kahin ye dil-e-KHizan-manus

bahaar aa ke dikhati hai dilkashi apni

kisi ke chehra-e-zeba se us ko kya nisbat

yunhi bikhera kare chand chandni apni

shuur-e-chaak-e-gareban kidhar hai daman-e-yar

junun ki had se mili ja ke aashiqi apni

bata ki ye bhi koi shan-e-be-niyazi hai

suni na hae koi tu ne guftani apni