taras raha hun magar tu nazar na aa mujhko

taras rahā huuñ magar tū nazar na aa mujh ko

ki ḳhud judā hai tū mujh se na kar judā mujh ko

vo kapkapāte hue hoñT mere shāne par

vo ḳhvāb saañp kī mānind Das gayā mujh ko

chaTaḳh uThā ho sulagtī chaTān kī sūrat

pukār ab tū mire der-āshnā mujh ko

tujhe tarāsh ke maiñ saḳht munfa.il huuñ ki log

tujhe sanam to samajhne lage ḳhudā mujh ko

ye aur baat ki aksar damak uThā chehra

kabhī kabhī yahī sho.ala bujhā gayā mujh ko

ye qurbateñ hī to vaj.h-e-firāq Thahrī haiñ

bahut aziiz haiñ yārān-e-be-vafā mujh ko

sitam to ye hai ki zālim suḳhan-shanās nahīñ

vo ek shaḳhs ki shā.er banā gayā mujh ko

use 'farāz' agar dukh na thā bichhaḌne kā

to kyuuñ vo duur talak dekhtā rahā mujh ko

taras raha hun magar tu nazar na aa mujh ko

ki KHud juda hai tu mujh se na kar juda mujh ko

wo kapkapate hue honT mere shane par

wo KHwab sanp ki manind Das gaya mujh ko

chaTaKH uTha ho sulagti chaTan ki surat

pukar ab tu mere der-ashna mujh ko

tujhe tarash ke main saKHt munfail hun ki log

tujhe sanam to samajhne lage KHuda mujh ko

ye aur baat ki aksar damak uTha chehra

kabhi kabhi yahi shoala bujha gaya mujh ko

ye qurbaten hi to wajh-e-firaq Thahri hain

bahut aziz hain yaran-e-be-wafa mujh ko

sitam to ye hai ki zalim suKHan-shanas nahin

wo ek shaKHs ki shaer bana gaya mujh ko

use 'faraaz' agar dukh na tha bichhaDne ka

to kyun wo dur talak dekhta raha mujh ko