tark-e-mohabbat par bhi hogi un ko nadamat humse ziyaada

tark-e-mohabbat par bhī hogī un ko nadāmat ham se ziyāda

kis ne kī hai kaun karegā un se mohabbat ham se ziyāda

ham ne maanā aap meñ hogī sabr kī tāqat ham se ziyāda

dekhiye lekin utrī huī hai aap kī sūrat ham se ziyāda

uff vo tabassum halkā halkā haa.e vo bhīgī bhīgī palkeñ

vaqt-e-ruḳhsat un pe garāñ thā lamha-e-ruḳhsat ham se ziyāda

koī tamannā koī masarrat dil ke qarīb aane hī na dī

kis ne kī hai ishq meñ yaaro ġham se mohabbat ham se ziyāda

tark-e-mohabbat par bhi hogi un ko nadamat hum se ziyaada

kis ne ki hai kaun karega un se mohabbat hum se ziyaada

hum ne mana aap mein hogi sabr ki taqat hum se ziyaada

dekhiye lekin utri hui hai aap ki surat hum se ziyaada

uff wo tabassum halka halka hae wo bhigi bhigi palken

waqt-e-ruKHsat un pe garan tha lamha-e-ruKHsat hum se ziyaada

koi tamanna koi masarrat dil ke qarib aane hi na di

kis ne ki hai ishq mein yaro gham se mohabbat hum se ziyaada