tark un se rasm-o-rah-e-mulaqat ho gai

tark un se rasm-o-rāh-e-mulāqāt ho ga.ī

yuuñ mil ga.e kahīñ to koī baat ho ga.ī

dil thā udaas ālam-e-ġhurbat kī shaam thī

kyā vaqt thā ki tum se mulāqāt ho ga.ī

ye dasht-e-haul-ḳhez ye manzil kī dhun ye shauq

ye bhī ḳhabar nahīñ ki kahāñ raat ho ga.ī

rasm-e-jahāñ na chhūT sakī tark-e-ishq se

jab mil ga.e to pursish-e-hālāt ho ga.ī

ḳhū bū rahī sahī thī jo mujh meñ ḳhulūs kī

ab vo bhī nazr-e-rasm-e-ināyāt ho ga.ī

dilchasp hai 'salīm' hikāyat tirī magar

ab so bhī jā ki yaar bahut raat ho ga.ī

tark un se rasm-o-rah-e-mulaqat ho gai

yun mil gae kahin to koi baat ho gai

dil tha udas aalam-e-ghurbat ki sham thi

kya waqt tha ki tum se mulaqat ho gai

ye dasht-e-haul-KHez ye manzil ki dhun ye shauq

ye bhi KHabar nahin ki kahan raat ho gai

rasm-e-jahan na chhuT saki tark-e-ishq se

jab mil gae to pursish-e-haalat ho gai

KHu bu rahi sahi thi jo mujh mein KHulus ki

ab wo bhi nazr-e-rasm-e-inayat ho gai

dilchasp hai 'salim' hikayat teri magar

ab so bhi ja ki yar bahut raat ho gai