tasawwur ke sahaare yun shab-e-gham KHatm ki maine

tasavvur ke sahāre yuuñ shab-e-ġham ḳhatm kī maiñ ne

jahāñ dil kī ḳhalish ubhrī tumheñ āvāz dī maiñ ne

talab kī raah meñ khā kar shikast-e-āgahī maiñ ne

junūñ kī kāmyābī par mubārakbād dī maiñ ne

dam-e-āḳhir bahut achchhā kiyā tashrīf le aa.e

salām-e-ruḳhsatāna ko pukārā thā abhī maiñ ne

zabāñ se jab na kuchh yārā-e-sharh-e-ārzū paayā

nigāhoñ se huzūr-e-husn aksar baat kī maiñ ne

nasheman ko bhī ik partav qafas kā jaan kar 'anvar'

basā-auqāt kī hai bijliyoñ kī rahbarī maiñ ne

tasawwur ke sahaare yun shab-e-gham KHatm ki main ne

jahan dil ki KHalish ubhri tumhein aawaz di main ne

talab ki rah mein kha kar shikast-e-agahi main ne

junun ki kaamyabi par mubarakbaad di main ne

dam-e-aKHir bahut achchha kiya tashrif le aae

salam-e-ruKHsatana ko pukara tha abhi main ne

zaban se jab na kuchh yara-e-sharh-e-arzu paya

nigahon se huzur-e-husn aksar baat ki main ne

nasheman ko bhi ek partaw qafas ka jaan kar 'anwar'

basa-auqat ki hai bijliyon ki rahbari main ne