tasawwuraat mein wo zoom kar raha tha mujhe
tasavvurāt meñ vo zoom kar rahā thā mujhe
bahut shadīd tavajjoh kā sāmnā thā mujhe
chamak rahā thā maiñ sūraj ke misl is liye dost
kahīñ pe jā ke añdhere meñ Dūbnā thā mujhe
mujhe vahāñ se udāsī bulā rahī thī aaj
jahāñ se shām-o-sahar koī dekhtā thā mujhe
phir us ko jā ke batānā paḌā ġhalat hai ye
samajhne vaale ne kyā kyā samajh rakhā thā mujhe
guzar na paayā thā jo 'jaun-elia' se bhī
tumhāre ba.ad vo lamha guzārnā thā mujhe
lahūluhān hue jā rahe the har manzar
kisī ne vaqt ke māthe pe yuuñ likhā thā mujhe
maiñ apnī niiñd agar TūTne nahīñ detā
us ek ḳhvāb se har vaqt TūTnā thā mujhe
tasawwuraat mein wo zoom kar raha tha mujhe
bahut shadid tawajjoh ka samna tha mujhe
chamak raha tha main suraj ke misl is liye dost
kahin pe ja ke andhere mein Dubna tha mujhe
mujhe wahan se udasi bula rahi thi aaj
jahan se sham-o-sahar koi dekhta tha mujhe
phir us ko ja ke batana paDa ghalat hai ye
samajhne wale ne kya kya samajh rakha tha mujhe
guzar na paya tha jo 'jaun-elia' se bhi
tumhaare baad wo lamha guzarna tha mujhe
lahuluhan hue ja rahe the har manzar
kisi ne waqt ke mathe pe yun likha tha mujhe
main apni nind agar TuTne nahin deta
us ek KHwab se har waqt TuTna tha mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
