ghaflat ajab hai hum ko dam jis ka marte hain

ġhaflat ajab hai ham ko dam jis kā mārte haiñ

maujūd hai nazar meñ jis ko pukārte haiñ

ham ā.īna haiñ haq ke haq ā.īna hai apnā

mastī meñ apnī har dam dam haq kā mārte haiñ

ham apne aap tālib matlūb aap ham haiñ

is khel meñ hamesha ham ḳhud ko hārte haiñ

jannat kī ham ko ḳhvāhish dozaḳh kā Dar nahīñ hai

be-asl muft vaa.iz ham ko ubhārte haiñ

zāhir hai haq kā jalva gar aañkh ho to dekhe

'markaz' ḳhudā ko aalam bhūle pukārte haiñ

ghaflat ajab hai hum ko dam jis ka marte hain

maujud hai nazar mein jis ko pukarte hain

hum aaina hain haq ke haq aaina hai apna

masti mein apni har dam dam haq ka marte hain

hum apne aap talib matlub aap hum hain

is khel mein hamesha hum KHud ko haarte hain

jannat ki hum ko KHwahish dozaKH ka Dar nahin hai

be-asl muft waiz hum ko ubhaarte hain

zahir hai haq ka jalwa gar aankh ho to dekhe

'markaz' KHuda ko aalam bhule pukarte hain