sanam hazar hua to wahi sanam ka sanam
sanam hazār huā to vahī sanam kā sanam
ki asl hastī-e-nābūd hai adam kā adam
isī jahān meñ goyā mujhe bahisht milī
agar rakhoge mire par yahī karam kā karam
abhī to tum ne kiye the hamārī jāñ-baḳhshī
phir ek dam meñ vahī nīmchā alam kā alam
vo gul-badan kā ajab hai mizāj-e-rañgā-rañg
fajar kuuñ lutf to phir shaam kuuñ sitam kā sitam
na rakh 'sirāj' kisī ḳhūb-rū señ chashm-e-vafā
sanam hazār huā to vahī sanam kā sanam
sanam hazar hua to wahi sanam ka sanam
ki asl hasti-e-nabud hai adam ka adam
isi jahan mein goya mujhe bahisht mili
agar rakhoge mere par yahi karam ka karam
abhi to tum ne kiye the hamari jaan-baKHshi
phir ek dam mein wahi nimcha alam ka alam
wo gul-badan ka ajab hai mizaj-e-ranga-rang
fajar kun lutf to phir sham kun sitam ka sitam
na rakh 'siraj' kisi KHub-ru sen chashm-e-wafa
sanam hazar hua to wahi sanam ka sanam
- Book : Kulliyat-e-Siraj (Pg. 460)
- Author : Siraj Aurangabadi
- Publication : Qaumi Council Baraye-Farogh Urdu (1982,1998)
- Edition : 1982,1998
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
