hamare zaKHm-e-tamanna purane ho gae hain

Jaun Eliya

hamare zaKHm-e-tamanna purane ho gae hain

Jaun Eliya

MORE BYJaun Eliya

    hamāre zaḳhm-e-tamannā purāne ho ga.e haiñ

    ki us galī meñ ga.e ab zamāne ho ga.e haiñ

    tum apne chāhne vāloñ baat mat suniyo

    tumhāre chāhne vaale divāne ho ga.e haiñ

    vo zulf dhuup meñ furqat aa.ī hai jab yaad

    to bādal aa.e haiñ aur shāmiyāne ho ga.e haiñ

    jo apne taur se ham ne kabhī guzāre the

    vo sub.h o shaam to jaise fasāne ho ga.e haiñ

    ajab mahak thī mire gul tire shabistāñ

    so bulbuloñ ke vahāñ āshiyāne ho ga.e haiñ

    hamāre ba.ad jo aa.eñ unheñ mubārak ho

    jahāñ the kunj vahāñ kār-ḳhāne ho ga.e haiñ

    hamare zaKHm-e-tamanna purane ho gae hain

    ki us gali mein gae ab zamane ho gae hain

    tum apne chahne walon ki baat mat suniyo

    tumhaare chahne wale diwane ho gae hain

    wo zulf dhup mein furqat ki aai hai jab yaad

    to baadal aae hain aur shamiyane ho gae hain

    jo apne taur se hum ne kabhi guzare the

    wo subh o sham to jaise fasane ho gae hain

    ajab mahak thi mere gul tere shabistan ki

    so bulbulon ke wahan aashiyane ho gae hain

    hamare baad jo aaen unhen mubarak ho

    jahan the kunj wahan kar-KHane ho gae hain

    RECITATIONS

    Nomaan Shauque

    Nomaan Shauque

    Nomaan Shauque

    hamare zaKHm-e-tamanna purane ho gae hain Nomaan Shauque

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY