phir to sab hamdard bahut afsos ke sath ye kahte the

phir to sab hamdard bahut afsos ke saath ye kahte the

ḳhud hī laḌe bhañvar se kyuuñ zahmat kī ham jo baiThe the

diloñ ke ilmoñ se vo ujālā thā har chehra kaalā thā

yuuñ to kisī ne apne bhed kisī ko nahīñ batā.e the

māthe jab sajdoñ se uThe to safoñ safoñ jo farishte the

sab is shahr ke the aur ham in sab ke jānñe vaale the

ahl-e-huzūr kī baat na pūchho kabhī kabhī un ke din bhī

soz-e-safā kī ik safrāvī uktāhaT meñ kaTte the

qālīnoñ par baiTh ke azmat vaale sog meñ jab ro.e

dīmak lage zamīr is izzat-e-ġham par kyā itrā.e the

jin kī jiibh ke kunDal meñ thā nīsh-e-aqrab kā paivand

likkhā hai un bad-suḳhanoñ kī qaum pe azhdar barse the

jin ke lahū se nikhar rahī haiñ ye sarsabz hameshgiyāñ

azloñ se vo sādiq jazboñ tayyab rizqoñ vaale the

phir to sab hamdard bahut afsos ke sath ye kahte the

KHud hi laDe bhanwar se kyun zahmat ki hum jo baiThe the

dilon ke ilmon se wo ujala tha har chehra kala tha

yun to kisi ne apne bhed kisi ko nahin batae the

mathe jab sajdon se uThe to safon safon jo farishte the

sab is shahr ke the aur hum in sab ke jaanne wale the

ahl-e-huzur ki baat na puchho kabhi kabhi un ke din bhi

soz-e-safa ki ek safrawi uktahaT mein kaTte the

qalinon par baiTh ke azmat wale sog mein jab roe

dimak lage zamir is izzat-e-gham par kya itrae the

jin ki jibh ke kunDal mein tha nish-e-aqrab ka paiwand

likkha hai un bad-suKHanon ki qaum pe azhdar barse the

jin ke lahu se nikhar rahi hain ye sarsabz hameshgiyan

azlon se wo sadiq jazbon tayyab rizqon wale the