tashbih ramz ras na kinae ke bas mein hai
tashbīh ramz ras na kinā.e ke bas meñ hai
vo husn-e-be-misāl mirī dastaras meñ hai
aisā nahīñ ki sirf hamī haiñ thakan se chuur
barsoñ kī ik thakān sadā-e-jaras meñ hai
ahvāl mere shor-e-salāsil ke sun rafīq
jaise ravāñ-davāñ koī dariyā qafas meñ hai
ai chārāgar ilāj-e-ġham-e-dil faqat nahīñ
vahshat kā ik jahān tire bul-havas meñ hai
vaise to ho chukī hai mukammal mirī ġhazal
ik matla'-e-'urūj magar pesh-o-pas meñ hai
tashbih ramz ras na kinae ke bas mein hai
wo husn-e-be-misal meri dastaras mein hai
aisa nahin ki sirf hami hain thakan se chur
barson ki ek thakan sada-e-jaras mein hai
ahwal mere shor-e-salasil ke sun rafiq
jaise rawan-dawan koi dariya qafas mein hai
ai chaaragar ilaj-e-gham-e-dil faqat nahin
wahshat ka ek jahan tere bul-hawas mein hai
waise to ho chuki hai mukammal meri ghazal
ek matla'-e-'uruj magar pesh-o-pas mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
