tashwish na kije ye nazriyat to honge

tashvīsh na kiije ye nazriyāt to hoñge

ḳhadshāt kā mausam hai savālāt to hoñge

har qalb-o-nigah meñ ye tazādāt to hoñge

duniyā-e-ajā.ib meñ kamālāt to hoñge

ab hañs ke dikhāo to baḌā zarf tumhārā

apnoñ se lagī choT to sadmāt to hoñge

tardīd o taraddud ke vasā.il nikal aa.e

tum mil nahīñ sakte to ye jazbāt to hoñge

derīna rivāyāt pe de kaun tavajjoh

ye daur nayā hai na.e hālāt to hoñge

yūñhī nahīñ hotā hai pareshān musavvir

kuchh aib-o-hunar zer-e-samāvāt to hoñge

tashwish na kije ye nazriyat to honge

KHadshat ka mausam hai sawalat to honge

har qalb-o-nigah mein ye tazadat to honge

duniya-e-ajaib mein kamalat to honge

ab hans ke dikhao to baDa zarf tumhaara

apnon se lagi choT to sadmat to honge

tardid o taraddud ke wasail nikal aae

tum mil nahin sakte to ye jazbaat to honge

derina riwayat pe de kaun tawajjoh

ye daur naya hai nae haalat to honge

yunhi nahin hota hai pareshan musawwir

kuchh aib-o-hunar zer-e-samawat to honge