taswir se kabhi to kabhi KHud se baat ki

tasvīr se kabhī to kabhī ḳhud se baat kī

tujh se bichhaḌ ke maiñ ne yūñhī din se raat kī

ab tak tamām dard-o-alam mil chuke mujhe

ab mujh pe intihā hai tire iltifāt kī

jab muskurā.egā to jahāñ muskurā.egā

taqdīr ban chukā hai koī kā.enāt kī

ye aur baat maiñ hī unheñ dekhtā rahā

vo sāmne bhī aa.e to kab mujh se baat kī

bas jaan lo vahīñ se rah-e-dost aa ga.ī

jab ibtidā ho silsila-e-hādsāt kī

ġham se najāt mujh ko mile kis tarah 'zuhūr'

kuchh fikr bhī to chāhiye rāh-e-najāt kī

taswir se kabhi to kabhi KHud se baat ki

tujh se bichhaD ke main ne yunhi din se raat ki

ab tak tamam dard-o-alam mil chuke mujhe

ab mujh pe intiha hai tere iltifat ki

jab muskuraega to jahan muskuraega

taqdir ban chuka hai koi kaenat ki

ye aur baat main hi unhen dekhta raha

wo samne bhi aae to kab mujh se baat ki

bas jaan lo wahin se rah-e-dost aa gai

jab ibtida ho silsila-e-hadsat ki

gham se najat mujh ko mile kis tarah 'zuhur'

kuchh fikr bhi to chahiye rah-e-najat ki