tawil-tar hai safar muKHtasar nahin hota
tavīl-tar hai safar muḳhtasar nahīñ hotā
mohabbatoñ kā shajar be-samar nahīñ hotā
phir us ke ba.ad ka.ī log mil ke bichhḌe haiñ
kisī judā.ī kā dil par asar nahīñ hotā
har ek shaḳhs kī apnī hī ek manzil hai
koī kisī kā yahāñ ham-safar nahīñ hotā
tamām umr guzar jaatī hai kabhī pal meñ
kabhī to ek hī lamha basar nahīñ hotā
ye aur baat hai vo apnā hāl-e-dil na kahe
koī bhī shaḳhs yahāñ be-ḳhabar nahīñ hotā
ajiib log haiñ ye ahl-e-ishq bhī 'aḳhtar'
ki dil to hotā hai par in kā sar nahīñ hotā
tawil-tar hai safar muKHtasar nahin hota
mohabbaton ka shajar be-samar nahin hota
phir us ke baad kai log mil ke bichhDe hain
kisi judai ka dil par asar nahin hota
har ek shaKHs ki apni hi ek manzil hai
koi kisi ka yahan ham-safar nahin hota
tamam umr guzar jati hai kabhi pal mein
kabhi to ek hi lamha basar nahin hota
ye aur baat hai wo apna haal-e-dil na kahe
koi bhi shaKHs yahan be-KHabar nahin hota
ajib log hain ye ahl-e-ishq bhi 'aKHtar'
ki dil to hota hai par in ka sar nahin hota
- Book : Funoon (Monthly) (Pg. 365)
- Author : Ahmad Nadeem Qasmi
- Publication : 4 Maklood Road, Lahore (Edition Nov. Dec. 1985,Issue No. 23)
- Edition : Edition Nov. Dec. 1985,Issue No. 23
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
