sang-e-be-qimat tarasha aur jauhar kar diya

sang-e-be-qīmat tarāshā aur jauhar kar diyā

sham-e-ilm-o-āgahī se dil munavvar kar dayā

fikr-o-fan tahzīb-o-hikmat dī shu.ūr-o-āgahī

gum-shudān-e-rāh ko goyā ki rahbar kar dayā

chashm-e-faiz aur dast vo pāras-sifat jab chhū ga.e

mujh ko miTTī se uThāyā aur falak par kar diyā

de jazā allāh tū is bāġhbān-e-ilm ko

jis ne ġhunchoñ ko khilāyā aur gul-e-tar kar diyā

ḳhāka-e-tasvīr thā maiñ ḳhālī-az-rañg-e-hayāt

yuuñ sajāyā aap ne mujh ko ki 'qaisar' kar diyā

sang-e-be-qimat tarasha aur jauhar kar diya

sham-e-ilm-o-agahi se dil munawwar kar daya

fikr-o-fan tahzib-o-hikmat di shuur-o-agahi

gum-shudan-e-rah ko goya ki rahbar kar daya

chashm-e-faiz aur dast wo paras-sifat jab chhu gae

mujh ko miTTi se uThaya aur falak par kar diya

de jaza allah tu is baghban-e-ilm ko

jis ne ghunchon ko khilaya aur gul-e-tar kar diya

KHaka-e-taswir tha main KHali-az-rang-e-hayat

yun sajaya aap ne mujh ko ki 'qaisar' kar diya