tera har rang sitam ai shoala-ru achchha laga

terā har rang sitam ai sho.ala-rū achchhā lagā

jitne tū ne ġham diye utnā hī tū achchhā lagā

sirf itnā hī nahīñ vo māh-rū achchhā lagā

us kā lahja us kā tarz-e-guftugū achchhā lagā

merī jānib us ne dekhā is nigāh-e-ḳhās se

mujh ko apne rū-ba-rū ḳhālī subū achchhā lagā

barhamī kī aag meñ dil ko jalā dene ke baad

muskurā.ī jab vo chashm-e-jang-jū achchhā lagā

kar ga.ī us kī nigāh-e-avvalīñ qissa tamām

phir zamāne meñ na koī ḳhūb-rū achchhā lagā

us kī mahfil meñ huā jab kuchh hasīñ chehroñ kā zikr

aa.ina us vaqt us ke rū-ba-rū achchhā lagā

vasvase jaage the us ko dekh kar ḳhanjar-ba-kaf

jab vahī ḳhanjar huā zeb-e-gulū achchhā lagā

koī lamha zindagī kā dard se ḳhālī na thā

kaise kah detā jahān-e-rang-o-bū achchhā lagā

kitnī āsānī se ai 'shādāñ' qayāmat Tal ga.ī

us ko merā ahd-e-tark-e-ārzū achchhā lagā

tera har rang sitam ai shoala-ru achchha laga

jitne tu ne gham diye utna hi tu achchha laga

sirf itna hi nahin wo mah-ru achchha laga

us ka lahja us ka tarz-e-guftugu achchha laga

meri jaanib us ne dekha is nigah-e-KHas se

mujh ko apne ru-ba-ru KHali subu achchha laga

barhami ki aag mein dil ko jala dene ke baad

muskurai jab wo chashm-e-jang-ju achchha laga

kar gai us ki nigah-e-awwalin qissa tamam

phir zamane mein na koi KHub-ru achchha laga

us ki mahfil mein hua jab kuchh hasin chehron ka zikr

aaina us waqt us ke ru-ba-ru achchha laga

waswase jage the us ko dekh kar KHanjar-ba-kaf

jab wahi KHanjar hua zeb-e-gulu achchha laga

koi lamha zindagi ka dard se KHali na tha

kaise kah deta jahan-e-rang-o-bu achchha laga

kitni aasani se ai 'shadan' qayamat Tal gai

us ko mera ahd-e-tark-e-arzu achchha laga