tera naqsh-e-kaf-e-pa tha kya tha

terā naqsh-e-kaf-e-pā thā kyā thā

raah meñ phuul khilā thā kyā thā

kuchh na hone kā gumāñ thā phir bhī

kuchh to hone ko huā thā kyā thā

jhuuT thā jo bhī kiyā thā maiñ ne

aur jo tum ne kahā thā kyā thā

kyā thā hamrāh ḳhayāloñ kī tarah

saaya sā saath chalā thā kyā thā

husn ta.abīr ke ā.īne meñ

ḳhvāb kyā dekh rahā thā kyā thā

dil ki tanhā thā savād-e-ġham meñ

shahr yādoñ kā basā thā kyā thā

kyā thī vo dair-o-haram kī duniyā

jo bhī duniyā kā ḳhudā thā kyā thā

ham to be-nām the taslīm magar

aap kā naam baḌā thā kyā thā

tera naqsh-e-kaf-e-pa tha kya tha

rah mein phul khila tha kya tha

kuchh na hone ka guman tha phir bhi

kuchh to hone ko hua tha kya tha

jhuT tha jo bhi kiya tha main ne

aur jo tum ne kaha tha kya tha

kya tha hamrah KHayalon ki tarah

saya sa sath chala tha kya tha

husn tabir ke aaine mein

KHwab kya dekh raha tha kya tha

dil ki tanha tha sawad-e-gham mein

shahr yaadon ka basa tha kya tha

kya thi wo dair-o-haram ki duniya

jo bhi duniya ka KHuda tha kya tha

hum to be-nam the taslim magar

aap ka nam baDa tha kya tha