tere aage sar-kashi dikhlaunga?

tere aage sar-kashī dikhlā.uñgā?

tū to jo kah de vahī ban jā.ūñgā

ai zabūrī phuul ai niile gulāb

mat ḳhafā ho maiñ dobāra ā.ūñgā

saat sadiyāñ saat rāteñ saat din

ik pahelī hai kise samjhā.ūñgā

yaar ho jaa.e sahī tujh se mujhe

tere qabze se tujhe chhuḌvā.ūñgā

tum bahut ma.asūm laḌkī ho tumheñ

nazm bhejūñgā duā pahnā.ūñgā

koī dariyā hai na jañgal aur na baaġh

maiñ yahāñ bilkul nahīñ rah pā.ūñgā

yaad karvā.u.gā tujh ko tere zaḳhm

terī saarī ne.amateñ ginvā.uñgā

chhoḌnā us ke liye mushkil na ho

mujh se mat kahnā maiñ ye kar jā.ūñgā

maiñ 'alī'-zaryūn huuñ kaafī hai ye

maiñ zafar-iqbāl kyuuñ ban jā.ūñgā

tere aage sar-kashi dikhlaunga?

tu to jo kah de wahi ban jaunga

ai zaburi phul ai nile gulab

mat KHafa ho main dobara aaunga

sat sadiyan sat raaten sat din

ek paheli hai kise samjhaunga

yar ho jae sahi tujh se mujhe

tere qabze se tujhe chhuDwaunga

tum bahut masum laDki ho tumhein

nazm bhejunga dua pahnaunga

koi dariya hai na jangal aur na bagh

main yahan bilkul nahin rah paunga

yaad karwauga tujh ko tere zaKHm

teri sari neamaten ginwaunga

chhoDna us ke liye mushkil na ho

mujh se mat kahna main ye kar jaunga

main 'ali'-zaryun hun kafi hai ye

main zafar-iqbaal kyun ban jaunga