tere ehsanon ka haq pura ada karte hain

tere ehsānoñ kā haq puurā adā karte haiñ

bharne lagte haiñ to zaḳhmoñ ko harā karte haiñ

niiñd ko ham kabhī zaa.e.a nahīñ hone dete

le ke bistar se hasīñ ḳhvāb uThā karte haiñ

ishq meñ haar ke mar jaanā koī ishq nahīñ

dam-e-āḳhir bhī to bīmār davā karte haiñ

jashn-e-shāhī meñ ġharīboñ ko bhī dāvat denā

chāñd ke saath sitāre bhī ziyā karte haiñ

bas yahī āḳhirī laġhzish hai hamārī 'anjum'

sab yahī soch ke har baar ḳhatā karte haiñ

tere ehsanon ka haq pura ada karte hain

bharne lagte hain to zaKHmon ko hara karte hain

nind ko hum kabhi zaea nahin hone dete

le ke bistar se hasin KHwab uTha karte hain

ishq mein haar ke mar jaana koi ishq nahin

dam-e-aKHir bhi to bimar dawa karte hain

jashn-e-shahi mein gharibon ko bhi dawat dena

chand ke sath sitare bhi ziya karte hain

bas yahi aaKHiri laghzish hai hamari 'anjum'

sab yahi soch ke har bar KHata karte hain