tere hathon jo sar-afraaz hue

tere hāthoñ jo sar-afrāz hue

ham se kis baat meñ mumtāz hue

kyā vo dastak se na khul sakte the

ham pe Thokar se jo dar baaz hue

shaam tak un kā nishāñ bhī na rahā

sub.h jo mahv-e-tag-o-tāz hue

kyā baneñge vo kisī ke hamrāz!

ḳhud jo apne liye ik raaz hue

kyā tamasḳhur hai ki 'rāshid' ham bhī

kuchh na hone se suḳhan-sāz hue

tere hathon jo sar-afraaz hue

hum se kis baat mein mumtaz hue

kya wo dastak se na khul sakte the

hum pe Thokar se jo dar baz hue

sham tak un ka nishan bhi na raha

subh jo mahw-e-tag-o-taz hue

kya banenge wo kisi ke hamraaz!

KHud jo apne liye ek raaz hue

kya tamasKHur hai ki 'rashid' hum bhi

kuchh na hone se suKHan-saz hue