tere jaisa koi mila hi nahin

tere jaisā koī milā hī nahīñ

kaise miltā kahīñ pe thā hī nahīñ

ghar ke malbe se ghar banā hī nahīñ

zalzale kā asar gayā hī nahīñ

mujh pe ho kar guzar ga.ī duniyā

maiñ tirī raah se haTā hī nahīñ

kal se masrūf-e-ḳhairiyat maiñ huuñ

sher taaza koī huā hī nahīñ

raat bhī ham ne hī sadārat kī

bazm meñ aur koī thā hī nahīñ

yaar tum ko kahāñ kahāñ DhūñDā

jaao tum se maiñ boltā hī nahīñ

yaad hai jo usī ko yaad karo

hijr kī dūsrī davā hī nahīñ

tere jaisa koi mila hi nahin

kaise milta kahin pe tha hi nahin

ghar ke malbe se ghar bana hi nahin

zalzale ka asar gaya hi nahin

mujh pe ho kar guzar gai duniya

main teri rah se haTa hi nahin

kal se masruf-e-KHairiyat main hun

sher taza koi hua hi nahin

raat bhi hum ne hi sadarat ki

bazm mein aur koi tha hi nahin

yar tum ko kahan kahan DhunDa

jao tum se main bolta hi nahin

yaad hai jo usi ko yaad karo

hijr ki dusri dawa hi nahin