tere wade pe etibar kiya

tere va.ade pe e'tibār kiyā

muztarib dil ne baar baar kiyā

ham ne to is jahān-e-fānī meñ

ho sakā jitnā intizār kiyā

us ko aana hai aa.egā lekin

kab qazā ne ḳhayāl-e-yār kiyā

dāman-e-ishq vaqt ne āḳhir

dekh to kaisā taar taar kiyā

dil ke ḳhas-ḳhāne jab sulagne lage

ham ne āñkhoñ ko ābshār kiyā

terī majbūriyāñ rahī hoñgī

Thiik hai ham ne e'tibār kiyā

jal uThā tuur bujh ga.e dīpak

ham ne ḳhud ko 'farāz' daar kiyā

tere wade pe e'tibar kiya

muztarib dil ne bar bar kiya

hum ne to is jahan-e-fani mein

ho saka jitna intizar kiya

us ko aana hai aaega lekin

kab qaza ne KHayal-e-yar kiya

daman-e-ishq waqt ne aaKHir

dekh to kaisa tar tar kiya

dil ke KHas-KHane jab sulagne lage

hum ne aankhon ko aabshaar kiya

teri majburiyan rahi hongi

Thik hai hum ne e'tibar kiya

jal uTha tur bujh gae dipak

hum ne KHud ko 'faraaz' dar kiya