tere ye jaan-nisar-o-talab-gar dekh kar

tere ye jāñ-nisār-o-talab-gār dekh kar

hairāñ huuñ ek anaar sau bīmār dekh kar

gul phuul aab aab hue kal chaman ke biich

gul ke hamāre ātishīñ ruḳhsār dekh kar

sidra sarv sanobar-o-tūbā khaḌe khaḌe

sar-gashta haiñ chaman meñ qad-e-yār dekh kar

pairoñ meñ dil-zadoñ ke na chubh jaa.eñ ustuḳhvāñ

is raah se guzar ho to sarkār dekh kar

hasrat gale se aur lagāne kī baḌh ga.ī

nāzuk se haath meñ tire talvār dekh kar

yā jism-o-jāñ meñ aah vo tāqat nahīñ rahī

yā Dar gayā huuñ vaqt kī raftār dekh kar

ifrīt-ḳhāna sā huā juz ghar tire parī

rahtā hai Dar sā ab dar-o-dīvār dekh kar

'hāvī' hamārī jaan meñ kuchh jaan aa ga.ī

maqtal meñ apne ḳhaas vafādār dekh kar

tere ye jaan-nisar-o-talab-gar dekh kar

hairan hun ek anar sau bimar dekh kar

gul phul aab aab hue kal chaman ke bich

gul ke hamare aatishin ruKHsar dekh kar

sidra sarw sanobar-o-tuba khaDe khaDe

sar-gashta hain chaman mein qad-e-yar dekh kar

pairon mein dil-zadon ke na chubh jaen ustuKHwan

is rah se guzar ho to sarkar dekh kar

hasrat gale se aur lagane ki baDh gai

nazuk se hath mein tere talwar dekh kar

ya jism-o-jaan mein aah wo taqat nahin rahi

ya Dar gaya hun waqt ki raftar dekh kar

ifrit-KHana sa hua juz ghar tere pari

rahta hai Dar sa ab dar-o-diwar dekh kar

'hawi' hamari jaan mein kuchh jaan aa gai

maqtal mein apne KHas wafadar dekh kar