teri aankhon ka ajab turfa saman dekha hai

terī āñkhoñ kā ajab turfa samāñ dekhā hai

ek aalam tirī jānib nigrāñ dekhā hai

kitne anvār simaT aa.e haiñ in āñkhoñ meñ

ik tabassum tire hoñToñ pe ravāñ dekhā hai

ham ko āvāra o bekār samajhne vaalo

tum ne kab is but-e-kāfir ko javāñ dekhā hai

sehn-e-gulshan meñ ki anjum kī tarab-gāhoñ meñ

tum ko dekhā hai kahīñ jaane kahāñ dekhā hai

vahī āvāra o dīvāna o āshufta-mizāj

ham ne 'jālib' ko sar-e-kū-e-butāñ dekhā hai

teri aankhon ka ajab turfa saman dekha hai

ek aalam teri jaanib nigran dekha hai

kitne anwar simaT aae hain in aankhon mein

ek tabassum tere honTon pe rawan dekha hai

hum ko aawara o bekar samajhne walo

tum ne kab is but-e-kafir ko jawan dekha hai

sehn-e-gulshan mein ki anjum ki tarab-gahon mein

tum ko dekha hai kahin jaane kahan dekha hai

wahi aawara o diwana o aashufta-mizaj

hum ne 'jalib' ko sar-e-ku-e-butan dekha hai