teri duniya mein chaar din hun main

terī duniyā meñ chaar din huuñ maiñ

is liye bhī to mutma.in huuñ maiñ

iktifā karnā hogā thoḌe par

ek mazdūr kā tiffin huuñ maiñ

shāyad ik rishta paas laa.e hameñ

vaise to duur kā cousin huuñ maiñ

ik taraf hijr ik taraf hai vasl

jaise do kāġhazoñ meñ pin huuñ maiñ

maiñ nahīñ par mirā ḳhayāl to hai

tū mujhe apne saath gin huuñ maiñ

ham qayāmat meñ saath hoñge magar

kyā qayāmat hai tere bin huuñ maiñ

teri duniya mein chaar din hun main

is liye bhi to mutmain hun main

iktifa karna hoga thoDe par

ek mazdur ka tiffin hun main

shayad ek rishta pas lae hamein

waise to dur ka cousin hun main

ek taraf hijr ek taraf hai wasl

jaise do kaghazon mein pin hun main

main nahin par mera KHayal to hai

tu mujhe apne sath gin hun main

hum qayamat mein sath honge magar

kya qayamat hai tere bin hun main