teri mohabbat ka jo ek hum ko sahaara mil gaya

terī mohabbat kā jo ik ham ko sahārā mil gayā

kashtī ko tūfāñ meñ koī jaise kinārā mil gayā

gul ho rahe haiñ be-ridā shāḳh-o-shajar bhī sabz haiñ

gulshan ko us ke aane kā koī ishāra mil gayā

kaTte nahīñ kaTtī haiñ rāteñ din bhī Duubā Duubā sā

kyā roz-o-shab ye ishq kā ham ko ḳhasāra mil gayā

pāzeb meñ kaisī khanak utrā hai kānoñ meñ shahad

kis kī ye mausīqī hai jis meñ sur hamārā mil gayā

ab saath hai koī nahīñ apnā bhī ban ke ham-safar

añdhere tanhā chāñd ko bhī jab sitārā mil gayā

rāteñ darīchoñ pe basar dahlīz pe guzre sahar

paiġhām us kī samt se koī dobāra mil gayā

tere bhī dil meñ dekhe haiñ ham ne vahī dard aur ġham

bas ik nazar se terī terā haal saarā mil gayā

teri mohabbat ka jo ek hum ko sahaara mil gaya

kashti ko tufan mein koi jaise kinara mil gaya

gul ho rahe hain be-rida shaKH-o-shajar bhi sabz hain

gulshan ko us ke aane ka koi ishaara mil gaya

kaTte nahin kaTti hain raaten din bhi Duba Duba sa

kya roz-o-shab ye ishq ka hum ko KHasara mil gaya

pazeb mein kaisi khanak utra hai kanon mein shahad

kis ki ye mausiqi hai jis mein sur hamara mil gaya

ab sath hai koi nahin apna bhi ban ke ham-safar

andhere tanha chand ko bhi jab sitara mil gaya

raaten darichon pe basar dahliz pe guzre sahar

paigham us ki samt se koi dobara mil gaya

tere bhi dil mein dekhe hain hum ne wahi dard aur gham

bas ek nazar se teri tera haal sara mil gaya