teri rangat bahaar se nikli

terī rañgat bahār se niklī

phuuT kar lāla-zār se niklī

dil jo dhoyā to tū nazar aayā

kyā hī sūrat ġhubār se niklī

chheḌ kar aazmā liyā ham ne

terī āvāz taar se niklī

ruuh merī tire tajassus meñ

jism-e-nā-pā.idār se niklī

muft barbād hai mirī hasrat

kyuuñ dil-e-be-qarār se niklī

bahr-e-tāzīm hashr barpā hai

kis kī mayyat mazār se niklī

teri rangat bahaar se nikli

phuT kar lala-zar se nikli

dil jo dhoya to tu nazar aaya

kya hi surat ghubar se nikli

chheD kar aazma liya hum ne

teri aawaz tar se nikli

ruh meri tere tajassus mein

jism-e-na-paidar se nikli

muft barbaad hai meri hasrat

kyun dil-e-be-qarar se nikli

bahr-e-tazim hashr barpa hai

kis ki mayyat mazar se nikli