teri samt jaane ke raston mein zinda hun
terī samt jaane ke rāstoñ meñ zinda huuñ
phuul ho chukā huuñ aur ḳhushbuoñ meñ zinda huuñ
kaun hai jo har lamha sūrateñ badaltā hai
maiñ kise samajhne ke marhaloñ meñ zinda huuñ
band sīpiyoñ meñ huuñ muntazir huuñ bārish kā
maiñ tumhārī āñkhoñ ke pāniyoñ meñ zinda huuñ
tū firāq kī saa.at nā-tamām qurbat meñ
maiñ visāl kā lamha dūriyoñ meñ zinda huuñ
ab to ye dilāsā hī āḳhirī vasīla hai
maiñ tire ḳhayāloñ kī vādiyoñ meñ zinda huuñ
vaqt soch tanhā.ī karb vahshateñ idrāk
merā hausla aise qātiloñ meñ zinda huuñ
apnī munfarid yaktā be-kanār hastī kā
ik hisār hai jis kī vus.atoñ meñ zinda huuñ
teri samt jaane ke raston mein zinda hun
phul ho chuka hun aur KHushbuon mein zinda hun
kaun hai jo har lamha suraten badalta hai
main kise samajhne ke marhalon mein zinda hun
band sipiyon mein hun muntazir hun barish ka
main tumhaari aankhon ke paniyon mein zinda hun
tu firaq ki saat na-tamam qurbat mein
main visal ka lamha duriyon mein zinda hun
ab to ye dilasa hi aaKHiri wasila hai
main tere KHayalon ki wadiyon mein zinda hun
waqt soch tanhai karb wahshaten idrak
mera hausla aise qatilon mein zinda hun
apni munfarid yakta be-kanar hasti ka
ek hisar hai jis ki wusaton mein zinda hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
