teri taswir ka jab dam lagaya jae

terī tasvīr kā jab daam lagāyā jaa.e

naam us par se musavvir kā haTāyā jaa.e

ai ḳhudā Thiik banī hai tirī duniyā phir bhī

martaba is meñ mohabbat kā baḌhāyā jaa.e

ai ghaḌī-sāz lagā de tū ghaḌī meñ gullak

jis meñ ḳhud ke liye kuchh vaqt bachāyā jaa.e

aap be-shak na.e sikkoñ ko chalā.eñ lekin

kyā zarūrī hai purānoñ ko galāyā jaa.e

rāstā kaaT ga.ī hai mirā kaalī billī

is bahāne chalo ghar lauT ke aayā jaa.e

be-qarārī kisī kī baḌh chukī hogī ab tak

sātvīñ ghanTī hai ab phone uThāyā jaa.e

teri taswir ka jab dam lagaya jae

nam us par se musawwir ka haTaya jae

ai KHuda Thik bani hai teri duniya phir bhi

martaba is mein mohabbat ka baDhaya jae

ai ghaDi-saz laga de tu ghaDi mein gullak

jis mein KHud ke liye kuchh waqt bachaya jae

aap be-shak nae sikkon ko chalaen lekin

kya zaruri hai puranon ko galaya jae

rasta kaT gai hai mera kali billi

is bahane chalo ghar lauT ke aaya jae

be-qarari kisi ki baDh chuki hogi ab tak

satwin ghanTi hai ab phone uThaya jae