teri ulfat shoabada-parwaz hai

terī ulfat sho.abada-parvāz hai

aarzū gar hai tamannā-sāz hai

phir hadīs-e-ishq kā āġhāz hai

aaj phir goyā zabān-e-rāz hai

ganj-e-asrār-e-azal hai bāġh-e-dahr

pattā pattā daftar-e-sad-rāz hai

jaan de dī un pe aur zinda rahe

apne marne kā nayā andāz hai

hoshiyār ai nāvak-afgan hoshyār

tā.ir-e-jāñ mā.il-e-parvāz hai

ruḳhsat ai aql-o-ḳhirad hosh-o-havās

shauq-e-vasl-e-yār kā āġhāz hai

mere naale sun ke farmāte haiñ vo

ye usī kī dukh-bharī āvāz hai

jis ko sab samjhe haiñ dasht-e-karbalā

vo to maidān-e-niyāz-o-nāz hai

zarre zarre meñ ayaañ hone ke ba.ad

aaj tak rāz-e-haqīqat raaz hai

aap jāñcheñ majma-e-ushshāq meñ

un meñ 'bedam' sā koī jāñ-bāz hai

teri ulfat shoabada-parwaz hai

aarzu gar hai tamanna-saz hai

phir hadis-e-ishq ka aaghaz hai

aaj phir goya zaban-e-raaz hai

ganj-e-asrar-e-azal hai bagh-e-dahr

patta patta daftar-e-sad-raaz hai

jaan de di un pe aur zinda rahe

apne marne ka naya andaz hai

hoshiyar ai nawak-afgan hoshyar

tair-e-jaan mail-e-parwaz hai

ruKHsat ai aql-o-KHirad hosh-o-hawas

shauq-e-wasl-e-yar ka aaghaz hai

mere nale sun ke farmate hain wo

ye usi ki dukh-bhari aawaz hai

jis ko sab samjhe hain dasht-e-karbala

wo to maidan-e-niyaz-o-naz hai

zarre zarre mein ayan hone ke baad

aaj tak raaz-e-haqiqat raaz hai

aap jaanchen majma-e-ushshaq mein

un mein 'bedam' sa koi jaan-baz hai