teri yaad mein rote rote tujh jaisa ho jaega

terī yaad meñ rote rote tujh jaisā ho jā.egā

ho saktā hai apnā dil bhī kal patthar kahlā.egā

aur nahīñ to tark-e-vafā par ye bhī to ho saktā hai

kuchh ham bhī sharminda hoñge kuchh vo bhī pachhtā.egā

tujh ko bhulā kar jī sakte haiñ lekin itnā yaad rahe

tujh sā jo bhī mukhḌā hogā āñkhoñ meñ bas jā.egā

pyaar se nafrat karne vaalo pyaar ko tum ne kyā jaanā

ye bhī hamesha kā ziddī hai tum ko bhī ho jā.egā

terā merā saath rahegā kāñTe log bichhā.eñge

lekin apnī rāhguzar par mausam phuul khilā.egā

sab kā dard sameT ke vo tāsīr hai mere lafzoñ meñ

jo bhī mere sher paḌegā vo merā ho jā.egā

teri yaad mein rote rote tujh jaisa ho jaega

ho sakta hai apna dil bhi kal patthar kahlaega

aur nahin to tark-e-wafa par ye bhi to ho sakta hai

kuchh hum bhi sharminda honge kuchh wo bhi pachhtaega

tujh ko bhula kar ji sakte hain lekin itna yaad rahe

tujh sa jo bhi mukhDa hoga aankhon mein bas jaega

pyar se nafrat karne walo pyar ko tum ne kya jaana

ye bhi hamesha ka ziddi hai tum ko bhi ho jaega

tera mera sath rahega kanTe log bichhaenge

lekin apni rahguzar par mausam phul khilaega

sab ka dard sameT ke wo tasir hai mere lafzon mein

jo bhi mere sher paDega wo mera ho jaega