tesha-e-ishq ne toDa hai har ek sang-e-giran

tesha-e-ishq ne toḌā hai har ik sang-e-girāñ

ishq ke zer-e-qadam jū-e-baqā jū-e-ravāñ

jab ubharte haiñ kahīñ dil kī bahāroñ ke nishāñ

aur baḌh jaatī hai rangīnī-e-tārīḳh-e-jahāñ

hai nigāhoñ meñ mirī bazm-e-mohabbat kā samāñ

kaash kuchh der Thahar jaa.e jahān-e-guzarāñ

phir tirī yaad kī murjhāne lagī haiñ kaliyāñ

zindagī hai ki koī rahguzar-e-bād-e-ḳhizāñ

tum chale saath to jal uTThe haiñ rāhoñ meñ charāġh

saath chhūTā hai to dhuñdlā ga.e manzil ke nishāñ

qasr-e-rangīñ ke makīnoñ ko ḳhabar hai ki nahīñ

pas-e-dīvār hai ik qāfila-e-nauha-garāñ

zindagī se haiñ ibārat tire ash.ār 'payām'

tere naġhmoñ meñ dhaḌaktā hai dil-e-kaun-o-makāñ

tesha-e-ishq ne toDa hai har ek sang-e-giran

ishq ke zer-e-qadam ju-e-baqa ju-e-rawan

jab ubharte hain kahin dil ki bahaaron ke nishan

aur baDh jati hai rangini-e-tariKH-e-jahan

hai nigahon mein meri bazm-e-mohabbat ka saman

kash kuchh der Thahar jae jahan-e-guzaran

phir teri yaad ki murjhane lagi hain kaliyan

zindagi hai ki koi rahguzar-e-baad-e-KHizan

tum chale sath to jal uTThe hain rahon mein charagh

sath chhuTa hai to dhundla gae manzil ke nishan

qasr-e-rangin ke makinon ko KHabar hai ki nahin

pas-e-diwar hai ek qafila-e-nauha-garan

zindagi se hain ibarat tere ashaar 'payam'

tere naghmon mein dhaDakta hai dil-e-kaun-o-makan