tez hawaen hain gham ki

tez havā.eñ haiñ ġham kī

ḳhair manāo mausam kī

jab ham ne kuchh ġhaur kiyā

dil meñ ek kiran chamkī

aaj bhī hai apnī hī jagah

baat hayāt-e-barham kī

paa.eñ bhī to kyā ta.abīr

ham ik ḳhvāb-e-mub.ham kī

phuul se hañste chehre haiñ

raunaq bāġh-e-ālam kī

tum bhī vahī ho ham bhī vahī

koshish sab ne paiham kī

zauq-e-safar hai husn-e-nazar

kuchh bhī kaho pech-o-ḳham kī

kaise ho hassās 'rabāb'

ab kyā sūrat hai ġham kī

tez hawaen hain gham ki

KHair manao mausam ki

jab hum ne kuchh ghaur kiya

dil mein ek kiran chamki

aaj bhi hai apni hi jagah

baat hayat-e-barham ki

paen bhi to kya tabir

hum ek KHwab-e-mubham ki

phul se hanste chehre hain

raunaq bagh-e-alam ki

tum bhi wahi ho hum bhi wahi

koshish sab ne paiham ki

zauq-e-safar hai husn-e-nazar

kuchh bhi kaho pech-o-KHam ki

kaise ho hassas 'rabab'

ab kya surat hai gham ki