tez jab KHanjar-e-bedad kiya jaega

tez jab ḳhanjar-e-bedād kiyā jā.egā

ham ġharīboñ kā galā yaad kiyā jā.egā

ġhair ko ḳhush hameñ nāshād kiyā jā.egā

kab talak ye sitam ījād kiyā jā.egā

ye to batlāo hameñ shahr basāne vaalo

dil kā vīrāna kab ābād kiyā jā.egā

aur kyā hogā tire ahd-e-sitam meñ ai dost

roz taaza sitam ījād kiyā jā.egā

ye jahāñ murda-parastoñ kā jahāñ hai yaaro

ham na hoñge to hameñ yaad kiyā jā.egā

dast-o-bāzū se bhī kuchh kaam liyā jaa.e 'hafīz'

tā-ba-kai shikva-e-sayyād kiyā jā.egā

tez jab KHanjar-e-bedad kiya jaega

hum gharibon ka gala yaad kiya jaega

ghair ko KHush hamein nashad kiya jaega

kab talak ye sitam ijad kiya jaega

ye to batlao hamein shahr basane walo

dil ka virana kab aabaad kiya jaega

aur kya hoga tere ahd-e-sitam mein ai dost

roz taza sitam ijad kiya jaega

ye jahan murda-paraston ka jahan hai yaro

hum na honge to hamein yaad kiya jaega

dast-o-bazu se bhi kuchh kaam liya jae 'hafiz'

ta-ba-kai shikwa-e-sayyaad kiya jaega