tha bhulana jinhen phir bhi wahi gham yaad aae

thā bhulānā jinheñ phir bhī vahī ġham yaad aa.e

ham mile bhī to zamāne ke sitam yaad aa.e

kār-e-duniyā meñ na shabnam hai na ambar na gulāb

dahr dekhā to tirī zulf ke ḳham yaad aa.e

yaad kar ke tumheñ rone kā zamāna bhī gayā

aaj royā huuñ to samjhā huuñ ki tum yaad aa.e

bhar ke jhīloñ ko chalā jaatā hai sāvan jaise

is tarah yaad hai vo shaḳhs jo kam yaad aa.e

ye to sach hai thā mire lab ke qarīñ aur gulāb

ye bhī sach hai mujhe us vaqt bhī tum yaad aa.e

tha bhulana jinhen phir bhi wahi gham yaad aae

hum mile bhi to zamane ke sitam yaad aae

kar-e-duniya mein na shabnam hai na ambar na gulab

dahr dekha to teri zulf ke KHam yaad aae

yaad kar ke tumhein rone ka zamana bhi gaya

aaj roya hun to samjha hun ki tum yaad aae

bhar ke jhilon ko chala jata hai sawan jaise

is tarah yaad hai wo shaKHs jo kam yaad aae

ye to sach hai tha mere lab ke qarin aur gulab

ye bhi sach hai mujhe us waqt bhi tum yaad aae