thami hui hai kahkashan apne hath se
thāmi huī hai kāhkashāñ apne haath se
ta.amīr kar rahā huuñ makāñ apne haath se
aayā huuñ vo zamīn o shajar DhūñDtā huā
khīñchī thī ik lakīr jahāñ apne haath se
husn-e-bahār mujh ko mukammal nahīñ lagā
maiñ ne tarāsh lī hai ḳhizāñ apne haath se
ā.īñe kā huzūr samundar lagā mujhe
kaaTā hai maiñ ne sail-e-girāñ apne haath se
'sarvat' hadaf bahut haiñ javānān-e-shahr meñ
rakkho abhī na tiir o kamāñ apne haath se
thami hui hai kahkashan apne hath se
tamir kar raha hun makan apne hath se
aaya hun wo zamin o shajar DhunDta hua
khinchi thi ek lakir jahan apne hath se
husn-e-bahaar mujh ko mukammal nahin laga
main ne tarash li hai KHizan apne hath se
aaine ka huzur samundar laga mujhe
kaTa hai main ne sail-e-giran apne hath se
'sarwat' hadaf bahut hain jawanan-e-shahr mein
rakkho abhi na tir o kaman apne hath se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
