thak gae hum rasan-o-dar tak aate aate

thak ga.e ham rasan-o-dār tak aate aate

miT ga.e ishq ke me.aar tak aate aate

raah ke pech muqaddar kī burā.ī ġham-e-zīst

mar na jā.eñge tire pyaar tak aate aate

aur bhī chand maqāmāt-e-talab guzre haiñ

daar se manzil-e-dildār tak aate aate

vo baḌhe hī the mirī samt ki phir ruk se ga.e

rah gayā dāman-e-gul ḳhaar tak aate aate

haa.e duniyā kā chalan haa.e zamāne kī ravish

ġham mile kitne ġham-e-yār tak aate aate

vo mazāmīn jo insāñ kā lahū garmā deñ

ruk ga.e haiñ mire ash.ār tak aate aate

kitne hāthoñ ne 'ḳhalish' khoī hai tāqat apnī

vaqt ke gesū-e-ḳhamdār tak aate aate

thak gae hum rasan-o-dar tak aate aate

miT gae ishq ke mear tak aate aate

rah ke pech muqaddar ki burai gham-e-zist

mar na jaenge tere pyar tak aate aate

aur bhi chand maqamat-e-talab guzre hain

dar se manzil-e-dildar tak aate aate

wo baDhe hi the meri samt ki phir ruk se gae

rah gaya daman-e-gul KHar tak aate aate

hae duniya ka chalan hae zamane ki rawish

gham mile kitne gham-e-yar tak aate aate

wo mazamin jo insan ka lahu garma den

ruk gae hain mere ashaar tak aate aate

kitne hathon ne 'KHalish' khoi hai taqat apni

waqt ke gesu-e-KHamdar tak aate aate