thak gae tum hasrat-e-zauq-e-shahadat kam nahin

thak ga.e tum hasrat-e-zauq-e-shahādat kam nahīñ

mujh se dam le lo agar teġh-e-sitam meñ dam nahīñ

dardmandān-e-azal rakhte nahīñ darmāñ kā ġham

sīna-e-sad-chāk gul minnat-kash-e-marham nahīñ

roz marte haiñ hazāroñ dekh kar nairañg-e-husn

gar yahī aalam tumhārā hai to ye aalam nahīñ

mar miTe ham ishq ke shohre vahī haiñ chaar sū

shor-e-rusvā.ī pas-e-murdan bhī apnā kam nahīñ

nāla-e-ātish-fishāñ yuuñ hī agar hai auj par

tū nahīñ ai āsmān-e-fitnagar yā ham nahīñ

be-sabātī par bahār-e-bāġh kī rotā hai charḳh

rū-e-gul par qatra-hā-e-ashk haiñ shabnam nahīñ

ḳhush haiñ mere marne se 'taslīm' ḳhvesh o aqribā

ḳhāna-e-shādī hai goyā ḳhāna-e-mātam nahīñ

thak gae tum hasrat-e-zauq-e-shahadat kam nahin

mujh se dam le lo agar tegh-e-sitam mein dam nahin

dardmandan-e-azal rakhte nahin darman ka gham

sina-e-sad-chaak gul minnat-kash-e-marham nahin

roz marte hain hazaron dekh kar nairang-e-husn

gar yahi aalam tumhaara hai to ye aalam nahin

mar miTe hum ishq ke shohre wahi hain chaar su

shor-e-ruswai pas-e-murdan bhi apna kam nahin

nala-e-atish-fishan yun hi agar hai auj par

tu nahin ai aasman-e-fitnagar ya hum nahin

be-sabaati par bahaar-e-bagh ki rota hai charKH

ru-e-gul par qatra-ha-e-ashk hain shabnam nahin

KHush hain mere marne se 'taslim' KHwesh o aqriba

KHana-e-shadi hai goya KHana-e-matam nahin