thak gaya hai dil-e-wahshi mera fariyaad se bhi
thak gayā hai dil-e-vahshī mirā fariyād se bhī
jī bahaltā nahīñ ai dost tirī yaad se bhī
ai havā kyā hai jo ab nazm-e-chaman aur huā
said se bhī haiñ marāsim tire sayyād se bhī
kyuuñ saraktī huī lagtī hai zamīñ yaañ har dam
kabhī pūchheñ to sabab shahr kī buniyād se bhī
barq thī yā ki sharār-e-dil-e-āshufta thā
koī pūchhe to mire āshiyāñ-barbād se bhī
baḌhtī jaatī hai kashish va.ada-gah-e-hastī kī
aur koī khīñch rahā hai adam-ābād se bhī
thak gaya hai dil-e-wahshi mera fariyaad se bhi
ji bahalta nahin ai dost teri yaad se bhi
ai hawa kya hai jo ab nazm-e-chaman aur hua
said se bhi hain marasim tere sayyaad se bhi
kyun sarakti hui lagti hai zamin yan har dam
kabhi puchhen to sabab shahr ki buniyaad se bhi
barq thi ya ki sharar-e-dil-e-ashufta tha
koi puchhe to mere aashiyan-barbaad se bhi
baDhti jati hai kashish wada-gah-e-hasti ki
aur koi khinch raha hai adam-abaad se bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
