thakan ko oDh ke bistar mein ja ke leT gae

thakan ko oḌh ke bistar meñ jā ke leT ga.e

ham apnī qabr-e-muqarrar meñ jā ke leT ga.e

tamām umr ham ik dūsre se laḌte rahe

magar mare to barābar meñ jā ke leT ga.e

hamārī tishna-nasībī kā haal mat pūchho

vo pyaas thī ki samundar meñ jā ke leT ga.e

na jaane kaisī thakan thī kabhī nahīñ utrī

chale jo ghar se to daftar meñ jā ke leT ga.e

ye bevaqūf unheñ maut se Darāte haiñ

jo ḳhud hī sāya-e-ḳhanjar meñ jā ke leT ga.e

tamām umr jo nikle na the havelī se

vo ek gumbad-e-be-dar meñ jā ke leT ga.e

sajā.e phirte the jhūTī anā jo chehroñ par

vo log qasr-e-sikandar meñ jā ke leT ga.e

sazā hamārī bhī kaaTī hai bāl-bachchoñ ne

ki ham udaas hue ghar meñ jā ke leT ga.e

thakan ko oDh ke bistar mein ja ke leT gae

hum apni qabr-e-muqarrar mein ja ke leT gae

tamam umr hum ek dusre se laDte rahe

magar mare to barabar mein ja ke leT gae

hamari tishna-nasibi ka haal mat puchho

wo pyas thi ki samundar mein ja ke leT gae

na jaane kaisi thakan thi kabhi nahin utri

chale jo ghar se to daftar mein ja ke leT gae

ye bewaquf unhen maut se Daraate hain

jo KHud hi saya-e-KHanjar mein ja ke leT gae

tamam umr jo nikle na the haweli se

wo ek gumbad-e-be-dar mein ja ke leT gae

sajae phirte the jhuTi ana jo chehron par

wo log qasr-e-sikandar mein ja ke leT gae

saza hamari bhi kaTi hai baal-bachchon ne

ki hum udas hue ghar mein ja ke leT gae