thapkiyan de ke tere gham ko sulaya humne

thapkiyāñ de ke tire ġham ko sulāyā ham ne

kyā kaheñ kis tarah ye bojh uThāyā ham ne

shaam paḌte hī diyā kaun jalātā hai yahāñ

is havelī meñ na insāñ koī paayā ham ne

yuuñ to har zarre se pūchhā tire jaane kā sabab

raaz gahrā thā kisī ko na batāyā ham ne

vo ajab shaḳhs thā har dar pe jhukātā thā jabīñ

chaah kar bhī to nahīñ us ko bhulāyā ham ne

thapkiyan de ke tere gham ko sulaya hum ne

kya kahen kis tarah ye bojh uThaya hum ne

sham paDte hi diya kaun jalata hai yahan

is haweli mein na insan koi paya hum ne

yun to har zarre se puchha tere jaane ka sabab

raaz gahra tha kisi ko na bataya hum ne

wo ajab shaKHs tha har dar pe jhukata tha jabin

chah kar bhi to nahin us ko bhulaya hum ne