thi chhoTi uske mukhDe par kal zulf-e-musalsal aur tarah
thi chhoTi uske mukhDe par kal zulf-e-musalsal aur tarah
Nazeer Akbarabadi
MORE BYNazeer Akbarabadi
thī chhoTī us ke mukhḌe par kal zulf-e-musalsal aur tarah
phir dekhā aaj to us gul ke the kākul ke bal aur tarah
vo dekh jhiḌaktā hai ham ko kar ġhussa har dam aur hameñ
hai chain usī ke milne se zinhār nahīñ kal aur tarah
ma.alūm nahīñ kyā baat kahī ġhammāz ne us se jo ham se
thiiñ pahlī bāteñ aur namat ab bole hai chanchal aur tarah
dil mujh se us ke milne ko kahtā hai to us ke paas mujhe
jab le pahuñchā thā bhes badal phir ab ke le chal aur tarah
hai kitne dinoñ se ishq 'nazīr' us yaar kā ham ko jis kī haiñ
sub.h aur biran shaam aur phaban aaj aur duvah kal aur tarah
thi chhoTi us ke mukhDe par kal zulf-e-musalsal aur tarah
phir dekha aaj to us gul ke the kakul ke bal aur tarah
wo dekh jhiDakta hai hum ko kar ghussa har dam aur hamein
hai chain usi ke milne se zinhaar nahin kal aur tarah
malum nahin kya baat kahi ghammaz ne us se jo hum se
thin pahli baaten aur namat ab bole hai chanchal aur tarah
dil mujh se us ke milne ko kahta hai to us ke pas mujhe
jab le pahuncha tha bhes badal phir ab ke le chal aur tarah
hai kitne dinon se ishq 'nazir' us yar ka hum ko jis ki hain
subh aur biran sham aur phaban aaj aur duwah kal aur tarah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
