تھی کبھی اب مگر وہ چاہ نہیں
تھی کبھی اب مگر وہ چاہ نہیں
ان سے پہلی سی رسم و راہ نہیں
اپنی فریاد بھی ہے جرم کی بات
ان کی بیداد بھی گناہ نہیں
کچھ نہ کچھ حسن بھی تو ہے مجرم
سب کا سب آنکھ کا گناہ نہیں
جانے کس مصلحت کے پیش نظر
ظلم اب ان کے بے پناہ نہیں
دیکھ عارفؔ یہ اوج عشق بھی دیکھ
اک ترانہ ہے لب پہ آہ نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
