thi mohabbat ki kar-farmai

thī mohabbat kī kār-farmā.ī

varna maiñ aur nāsiya-sā.ī

chashm-o-abrū ke hādsāt vahī

aur vahī uzr-e-nā-shakebā.ī

vo tamannā kā ḳhuuñ sahī lekin

dil meñ ik buuñd to nazar aa.ī

mere hamrāz ye nasheb-o-farāz

allah allāh ġham kī gahrā.ī

zindagī hai ki ek mauj-e-sarāb

dūr-tar ḳhūb-tar nazar aa.ī

ab garebāñ pe dekheñ kyā biite

chāñd kī raat phir palaT aa.ī

baḌhtī jaatī haiñ dhaḌkaneñ dil kī

kis ne taklīf-e-nāz farmā.ī

jiit lī jis ne dil kī arz-e-pāk

ek aisī shikast bhī khaa.ī

ishq kī aag be-panāh sahī

husn par aañch bhī kabhī aa.ī

baiThe baiThe na jaane kyoñ apnī

aañkh be-iḳhtiyār bhar aa.ī

dam na ehsās kā ulaT jaa.e

rain añdherī hai aur tanhā.ī

thi mohabbat ki kar-farmai

warna main aur nasiya-sai

chashm-o-abru ke hadsat wahi

aur wahi uzr-e-na-shakebai

wo tamanna ka KHun sahi lekin

dil mein ek bund to nazar aai

mere hamraaz ye nasheb-o-faraaz

allah allah gham ki gahrai

zindagi hai ki ek mauj-e-sarab

dur-tar KHub-tar nazar aai

ab gareban pe dekhen kya bite

chand ki raat phir palaT aai

baDhti jati hain dhaDkanen dil ki

kis ne taklif-e-naz farmai

jit li jis ne dil ki arz-e-pak

ek aisi shikast bhi khai

ishq ki aag be-panah sahi

husn par aanch bhi kabhi aai

baiThe baiThe na jaane kyon apni

aankh be-iKHtiyar bhar aai

dam na ehsas ka ulaT jae

rain andheri hai aur tanhai