thoDa hai jis qadar main paDhun KHat habib ka
thoḌā hai jis qadar maiñ paḌhūñ ḳhat habīb kā
dekhā hai aaj āñkhoñ se likkhā nasīb kā
ham mai-kashoñ ne nashshe meñ aise kiye savāl
dam band kar diyā sar-e-mimbar-ḳhatīb kā
sayyād ghaat meñ hai kahīñ bāġhbāñ kahīñ
saarā chaman hai dushman-e-jāñ andalīb kā
apnī zabān se mujhe jo chāhe kah leñ aap
baḌh baḌh ke bolnā nahīñ achchhā raqīb kā
āñkheñ safed ho ga.iiñ jab intizār meñ
us vaqt nāma-bar ne diyā ḳhat habīb kā
qismat Dubone laa.ī hai dariyā-e-ishq meñ
ai ḳhizr paar kījiye beḌā ġharīb kā
vo be-ḳhatā haiñ un se shikāyat hī kis liye
'jauhar' ye sab qusūr hai apne nasīb kā
thoDa hai jis qadar main paDhun KHat habib ka
dekha hai aaj aankhon se likkha nasib ka
hum mai-kashon ne nashshe mein aise kiye sawal
dam band kar diya sar-e-mimbar-KHatib ka
sayyaad ghat mein hai kahin baghban kahin
sara chaman hai dushman-e-jaan andalib ka
apni zaban se mujhe jo chahe kah len aap
baDh baDh ke bolna nahin achchha raqib ka
aankhen safed ho gain jab intizar mein
us waqt nama-bar ne diya KHat habib ka
qismat Dubone lai hai dariya-e-ishq mein
ai KHizr par kijiye beDa gharib ka
wo be-KHata hain un se shikayat hi kis liye
'jauhar' ye sab qusur hai apne nasib ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
