thoDa sa muskura ke nigahen milaiye
thoḌā sā muskurā ke nigāheñ milā.iye
mujh ko mirī hayāt kā maqsad batā.iye
mujh se bhī kuchh huzūr ta.alluq thā aap kā
yuuñ be-muravvatī se na dāman chhuḌā.īye
shāyad kisī maqām pe maiñ kaam aa sakūñ
mujh ko bhī saath lījiye tanhā na jā.iye
guzregā is taraf se bhī ik din hujūm-e-gul
har-chand aap raah meñ kāñTe bichhā.iye
'nāsir' udāsiyāñ to raheñgī yūñhī mudām
Dhalne lagī hai raat koī giit gā.iye
thoDa sa muskura ke nigahen milaiye
mujh ko meri hayat ka maqsad bataiye
mujh se bhi kuchh huzur talluq tha aap ka
yun be-murawwati se na daman chhuDaiye
shayad kisi maqam pe main kaam aa sakun
mujh ko bhi sath lijiye tanha na jaiye
guzrega is taraf se bhi ek din hujum-e-gul
har-chand aap rah mein kanTe bichhaiye
'nasir' udasiyan to rahengi yunhi mudam
Dhalne lagi hai raat koi git gaiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
