tir-andazon ko andaza nahin

tīr-andāzoñ ko andāza nahīñ

zad meñ aanā thā jise aayā nahīñ

kuchh tasavvur kuchh tavaqqo' kuchh gumāñ

ye bhī kyā ḳhvāboñ kā ḳhamyāza nahīñ

saarī bastī meñ faqat ik terī zaat

qibla-o-ka.aba sahī kā'ba nahīñ

jis havā meñ tū hai āqā-e-chaman

koī bhī jhoñkā vahāñ taaza nahīñ

dhuul kī āñkhoñ meñ jā hotī nahīñ

paañv meñ lagtā kabhī surma nahīñ

hai khaḌā sāhil pe lahroñ se pare

paar jaane par vo āmāda nahīñ

chāhtā hai tū jo taz.īn-e-vafā

phuul lā kāñToñ kā guldasta nahīñ

apne dil meñ aap hī rahtā hai vo

dūsrā kyā us meñ rah saktā nahīñ

āsmāñ ḳhāmosh ho aur log chup

der tak ye silsila chaltā nahīñ

tir-andazon ko andaza nahin

zad mein aana tha jise aaya nahin

kuchh tasawwur kuchh tawaqqo' kuchh guman

ye bhi kya KHwabon ka KHamyaza nahin

sari basti mein faqat ek teri zat

qibla-o-kaba sahi ka'ba nahin

jis hawa mein tu hai aaqa-e-chaman

koi bhi jhonka wahan taza nahin

dhul ki aankhon mein ja hoti nahin

panw mein lagta kabhi surma nahin

hai khaDa sahil pe lahron se pare

par jaane par wo aamada nahin

chahta hai tu jo tazin-e-wafa

phul la kanTon ka guldasta nahin

apne dil mein aap hi rahta hai wo

dusra kya us mein rah sakta nahin

aasman KHamosh ho aur log chup

der tak ye silsila chalta nahin