tir-e-nazar ne aap ki ghail kiya mujhe

tīr-e-nazar ne aap kī ghā.il kiyā mujhe

phir shauq-e-intizār ne pāgal kyā mujhe

aisī chalī havā-e-gulistāñ mirī taraf

chhū kar bū-e-gulāb ne sandal kyā mujhe

beToñ ne mere naam kī dastār pahn lī

aur beTiyoñ ne sūrat-e-āñchal kyā mujhe

baḌhne lagī hai dil kī tamannā-e-āshiqī

yuuñ aa ke terī yaad ne bekal kyā mujhe

hosh-o-havās khone lagā huuñ firāq meñ

tanhā.iyoñ ne aisā muqaffal kyā mujhe

pahle to āzmāyā atā-e-bahisht se

phir bhej kar jahān meñ afzal kyā mujhe

har shaḳhs mo'tarif ki muhibb-e-vatan huuñ maiñ

phir 'adliya ne kyuuñ sar-e-maqtal kyā mujhe

ibn-e-chaman hai terī vafāoñ pe jāñ-nisār

apnā banā ke tū ne mukammal kyā mujhe

tir-e-nazar ne aap ki ghail kiya mujhe

phir shauq-e-intizar ne pagal kya mujhe

aisi chali hawa-e-gulistan meri taraf

chhu kar bu-e-gulab ne sandal kya mujhe

beTon ne mere nam ki dastar pahn li

aur beTiyon ne surat-e-anchal kya mujhe

baDhne lagi hai dil ki tamanna-e-ashiqi

yun aa ke teri yaad ne bekal kya mujhe

hosh-o-hawas khone laga hun firaq mein

tanhaiyon ne aisa muqaffal kya mujhe

pahle to aazmaya ata-e-bahisht se

phir bhej kar jahan mein afzal kya mujhe

har shaKHs mo'tarif ki muhibb-e-watan hun main

phir 'adliya ne kyun sar-e-maqtal kya mujhe

ibn-e-chaman hai teri wafaon pe jaan-nisar

apna bana ke tu ne mukammal kya mujhe