tir jo us kaman se nikla

tiir jo us kamān se niklā

jigar murġh-e-jān se niklā

niklī thī teġh be-dareġh us kī

maiñ hī ik imtihān se niklā

go kaTe sar ki soz-e-dil joñ sham.a

ab to merī zabān se niklā

aage ai naala hai ḳhudā kā naañv

bas to na āsmān se niklā

chashm-o-dil se jo niklā hijrāñ meñ

na kabhū bahr-o-kān se niklā

mar gayā jo asīr-e-qaid-e-hayāt

tañgnā-e-jahān se niklā

dil se mat jā ki haif us kā vaqt

jo koī us makān se niklā

us kī shīrīñ-labī kī hasrat meñ

shahd paanī ho shaan se niklā

nā-murādī kī rasm 'mīr' se hai

taur ye is javān se niklā

tir jo us kaman se nikla

jigar murgh-e-jaan se nikla

nikli thi tegh be-daregh us ki

main hi ek imtihan se nikla

go kaTe sar ki soz-e-dil jon shama

ab to meri zaban se nikla

aage ai nala hai KHuda ka nanw

bas to na aasman se nikla

chashm-o-dil se jo nikla hijran mein

na kabhu bahr-o-kan se nikla

mar gaya jo asir-e-qaid-e-hayat

tangna-e-jahan se nikla

dil se mat ja ki haif us ka waqt

jo koi us makan se nikla

us ki shirin-labi ki hasrat mein

shahd pani ho shan se nikla

na-muradi ki rasm 'mir' se hai

taur ye is jawan se nikla